Ǵalymdar: ár banknotta 26 myńǵa deıin bakterııa tirshilik etedi
ASTANA. QazAqparat - Ǵalymdar bir banknotta 26 myńǵa deıin vırýstar men zııandy mıkroaǵzalar bolýy múmkin ekenin anyqtady. Sondyqtan dárigerler aqshany ár ustaǵan saıyn qoldy jýýdy daǵdyǵa aınaldyrýdy usynady, dep jazady Rosbalt.
Adamnyń densaýlyǵyna zııandy aqsha bakterııalarynyń sanyn Oksford ýnıversıtetiniń sarapshylary eseptedi. Ǵalymdar 12 elden 9 myń adamǵa saýalnama júrgizgen, nátıjesinde mynadaı derekter alǵan: árbir besinshi adam ǵana banknotty ustaǵannan keıin qolyn jýady eken.
Psıhologtar banknottardy - bılik pen tabystyń qýatty nyshany sanaıdy. Sondyqtan ony ustaǵan adamnyń, ádette, qaýiptený sezimi joıylyp ketedi.
Sarapshylar, sondaı-aq, banknottan aýrý juqtyrý táýekeli eýro, dat krony jáne reseılik rýbl ıelerinde bolatynyn anyqtady. Olar aýrý týdyratyn qaýipti mıkroaǵzalar tasýda kósh bastaıtyn bolyp shyqty, dep habarlady Myjane portaly.
Eýropada halyqta aqshada meken etetin vırýstan aryltý úshin birqatar eleýli sharalar qabyldanyp jatyr. Sonymen, mysaly, olardy jamylǵysy bar, súrtýge, zararsyzdandyrýǵa, jýýǵa bolatyn arnaıy ázirlengen qaǵazda shyǵara bastady.
