Ǵalymdar Antarktıkaǵa muz jetkizedi
ASTANA. QazAqparat - Ǵalymdar Antarktıkada muzdyqtar erigen jaǵdaıda qajet bolatyn muz qoımasyn jasamaq.
Bul jaǵdaıda muz úlgileri saqtaýǵa álemniń basqa túpkirlerinen jetkizilmek. Atap aıtqanda, Antarktıkaǵa ártúrli taý muzdyqtarynan muz jóneltilmek. Olardy tereńdigi on metrge jýyq arnaıy qoımalarda qaldyrady.
Ǵalymdardyń pikirinshe, jahandyq jylyný Antarktıkaǵa da áser etýine qaramastan, ol degenmen qandaı da materıaldar úlgisin saqtaý úshin taptyrmaıtyn oryn bolyp qala bermek.
Budan buryn ǵalymdar sońǵy jyldary antarktıkalyq muzdyń erý úderisi shuǵyl shapshańdaı túskenin anyqtady. Klımatologtar jyl saıyn Antarktıkada qazir 56 mıllıon tonnaǵa deıin muz erýde, dep sanaıdy, dep habarlady Bı-bı-sı.
