Ǵalymdar Angolada 34 mýtatsııasy bar koronavırýs shtamyn anyqtady
NUR-SULTAN. QazAqparat – Ǵalymdar Angola áýejaıyndaǵy saıahatshylardan koronavırýstyń 34 mýtatsııasy bar jań nusqasyn anyqtady. Bul – barlyq belgili shtamdarǵa qaraǵanda kóp.
SARS-CoV-2 nusqasy óte juqpaly jáne aǵzanyń ımmýndyq júıesin basyp tastaı alady. Bul týraly QazAqparat Izvestııa saıtyna silteme jasap habarlaıdy.
Buryn belgisiz bolǵan genom aqpan aıynyń ortasynda, Tanzanııadan kelgen úsh jolaýshyny testileý kezinde anyqtaldy.
GISAID ashyq málimetter bazasynda bul afrıkalyq elge saıahattaǵannan keıin anyqtalǵan taǵy toǵyz genomdyq júıelilik týraly málimet bar, sonyń ishinde ekeýiniń angolalyq shtammen birdeı negizi bar.
Koronavırýstyń jańa nusqasy A.VOI.V2 degen ýqytsha ataýǵa ıe bolǵan. Onyń DNK-synan amınqyshqyldarynyń 31 aýysýy (mańyzdy fýnktsıonaldyq aýysýlar) anyqtaldy.
Afrıkalyq ǵalymdar angolalyq nusqa mýtatsııalarynyń keıbireýlerin buryn belgili shtamdardan da anyqtaǵan. Mamandar bul ózgeristerdiń ary qaraı damyp, DNK-da paıdaly belgiler retinde bekitilgenin shamalap otyr. Jańa shtamdy anyqtaǵan medıtsına qyzmetkerleriniń pikirinshe, osy mýtatsııalardyń barlyǵy koronavırýstyń antıdenelerge qarsylyǵyn joǵarylatyp, onyń juqpalylyǵyn arttyra alady.
