Ǵalymdar: Almatynyń mádenı jasy 1000 jyldan kem emes
ALMATY. QazAqparat - Búgin Almatyda otandyq jáne sheteldik tarıhshy ǵalymdar «Almatynyń mádenı jasy - 1000 jyl» atty dóńgelek ústel barysynda ońtústik astananyń mádenı jasyn anyqtaýǵa tyrysty.
«Júrgizilgen arheologııalyq materıaldar men qazba jumystarynyń nátıjesinde nýmızmatıkalyq kollektsııalardy, etnografııalyq muralardy, ejelgi jazba týraly materıaldardy zertteı kele Almatynyń mádenı jasy 1000 jyldan kem emes degen qorytyndyǵa kelip otyrmyz», - dedi tarıh ǵylymdarynyń doktory, professor, QR UǴA akademıgi Karl Baıpaqov. Tarıhshynyń málimdeýinshe, mundaı málimdemege XIII ǵasyrdyń jádigeri sanalatyn monetadaǵy jazý negiz bola alady. Onda Almatyda jasalǵan dep jazylǵandyǵyn nýmızmat arabıst Vladımır Nastıch oqyǵan. Bul derek Almatynyń jasyn belgileýge utymdy negiz bola alady, deıdi mamandar. «X-XI ǵasyrlardaǵy musylman renessansy Taıaý Shyǵys aımaǵyna, sonyń ishinde astanasy Almaty bolǵan Jetisý aımaǵyna da eleýli áser etti. Bul kezde qala mádenıetiniń gúldenýi oryn aldy», - dedi ol. Zertteýshi ǵalymdar Almatynyń mádenı jasyn resmı bekitý úshin ıÝNESKO-ǵa qujattar jibermekshi.
