Ǵalymdar: Alma men kók shaı qaterli isiktiń aldyn alady
ASTANA. QazAqparat - Ǵalymdar alma men kók shaıdyń quramyndaǵy «polıfenol» qan tamyrlarynda endotelıı jasýshalarynyń ósý faktorynyń áserin joıý arqyly obyr men ateroskleroz aýrýlaryn paıda boldyrmaıtynyn anyqtady, dep jazady Rosbalt.
«Qan tamyrlary endotelııiniń ósý faktory» dep atalatyn aqýyz qan tamyrlary júıesinde nemese uryqtyń embrıondyq damýy barysynda jańa qan tamyrlarynyń ósýin baqylaıdy. Aqýyzdyń negizgi qyzmeti - jaraqat alǵanda nemese qan tamyrlarynyń qyzmeti toqtaǵanda aǵzada jańa qan tamyrlaryn túzý, zaqymdanǵan bulshyq etterdi qalpyna keltirý. Alaıda aqýyzdyń joǵary belsendiligi, mysaly, qaterli isiktiń damýy sııaqty aýyr dertterge ákelýi múmkin.
Ǵalymdar kók shaı men almanyń quramynda bolatyn polıfenol qan tamyrlary endotelııiniń ósý faktorlarynyń belsendiligin tómendetetinin anyqtady. Budan basqa, bul antıoksıdanttar qan tamyrlaryn keńeıtip, olardyń bitelýi men zaqymdanýynyń aldyn alady.
