Ǵalymdar alǵash ret Parkınson aýrýynyń damýyn toqtatýǵa qol jetkizdi
ASTANA. 7 naýryz. QazAqparat - Los-Andjelestegi Kalıfornııa ýnıversıtetiniń nevrologııa professory Djeff Bronshteın áriptesterimen birge «molekýlıarlyq qysqash» bola alatyn jańa qosylystardy jasady:
ol belgilengen jerlerden alfa-sınýkleın aqýyzy molekýlasyn ustap alyp, olardyń bir-birine jabysýyna jol bermeıdi, dep habarlady Lenta.rý.
Alfa-sınýkleın Parkınson aýrýyn týǵyzatyn faktorlardyń biri: bul syrqat kezinde onyń qurylymy buzylady, retsizdenip, áreketke enjar bolyp, bul aqýyz agregattarynyń paıda bolýyna, sondaı-aq ortalyq júıke júıesi neırondarynyń jansyzdanýyna ákep soqtyrady.
Kalıfornııa ǵalymdary jasaǵan molekýlıarlyq qysqash alfa-sınýkleınderdiń paıda bolýyna kedergi jasaıdy, sonymen birge bul aqýyzdyń ýyttylyǵyn basyp, paıda bolǵan agregattardy buzady. Sondaı-aq ol bas mıiniń qalypty jumysyna áser etpeıdi.
Alfa-sınýkleın úshin molekýla-qysqash CLR01 dep atalady jáne onyń hımııalyq qurylymy bar. Onyń áreketi akvarıým balyqtarynda jáne jasýshalarda tekserildi. Qazirgi kezde onyń tyshqandarǵa áseri zerttelýde, sodan keıin adamdardy synaýǵa qoldanylmaq. Búgingi tańda Parkınson aýrýynyń belgilerin ǵana emdeıdi, biraq onyń damýyn toqtatatyn preparattar joq.
Bronshteınniń qosalqy avtorlarmen birlesken zertteýi Neurotherapeutics jýrnalynda jarııalandy.
