Ǵalymdar: Áleýmettik jeliler jas analardyń psıhıkasyna keri áserin tıgizedi
ASTANA. QazAqparat - Sarapshylar áleýmettik jelilerdiń adamdardyń psıhıkasyna keri áserin tıgizetiti týraly talaı ret aıtqan. Ǵalymdar jas zertteý júrgizip, oǵan jas analardy da qatystyrdy.
AQSh-tyń Ogaıo shtatynyń mamandary dúnıege jańa ǵana bala ákelgen áıelderdiń áleýmettik jelilerdegi 128 paraqshasyn tekserdi.
Jas analardyń 100 paıyzy jelige náresteleriniń fotosýretterin salyp, olarǵa túsiniktemeler men lúpilderdi kútetini anyqtaldy.
Alaıda, foto áıel kútkendeı baǵalanbasa, bul onyń emotsıonaldyq jaǵdaıyna keri áserin tıgizedi.
Osylaısha, keıbir analar «lúpilder» men túsiniktemelerge táýeldi bolyp qalady.
Budan basqa, mamapdar áleýmettik jelilerde kóp ýaqytyn ótkizip, ózderin bala tárbıeleýde naǵyz maman esepteıtin analar tobyn bólip ótti. Bul úshin olar paraqshalary men taqyryptyq toptarda saǵattap «otyryp», bala tárbıeleý boıynsha sóz talastyrady.
Jas analardyń jeliniń basqa paıdalanýshylarmen tym emotsıonaldyq qatynasy bala týýdan keıingi depressııany aýyrlatyp, psıhologııalyq aýytqýlarǵa ákelip soqtyrýy ábden múmkin, dep sanaıdy ǵalymdar.
