Ǵalymdar álemdegi eń uzyn jáne eń uzaq naızaǵaıdy tirkedi
ASTANA. QazAqparat - The USA Today habarlaǵandaı, naızaǵaı toǵyz jyl buryn baıqalǵan. Onyń uzyndyǵy shamamen 320 shaqyrymǵa jetken. Sondaı-aq, naızaǵaıdyń jarqyldaýy boıynsha eń uzaǵy da tirkeldi, dep jazady The USA Today.
Eń uzyn naızaǵaı Oklahoma aspanynda 2007 jyly 20 maýsymda kórindi. Onyń ólshemderin Nıý-Iorktan Vashıngtonǵa deıingi ara-qashyqtyqpen salystyrýǵa bolady.
Al eń uzaq naızaǵaı 2012 jyly 30 tamyzda Frantsııada baıqalǵan. Naızaǵaıdyń jarqyly Provans-Alpi taýy jáne teńiz jaǵalaýy arqyly ótip, uzaqtyǵy 7,74 sekýndty qurady. Eki rekordty da Dúnıejúzilik meteorologııalyq uıymy tirkep, sertıfıkattady.
