Ǵalymdar álemdegi eń sulý kelbetti anyqtady
ASTANA. QazAqparat - Londondaǵy plastıkalyq hırýrgııa ortalyǵynyń dárigerleri amerıkalyq aktrısa Ember Herdtiń betin álemdegi eń sulý dep tanydy. Zertteýshiler kompıýterlik kartografııa ádisine súıendi, dep habarlady lenta.ru.
«Biz kompıýterlik kartografııanyń jańa ádisin qurastyrdyq. Ol adamnyń bet-álpetiniń úılesimdiligin durys bolýy úshin qandaı ózgerister engizý kerektigin kórsetedi», - dedi ortalyq basshysy doktor Djýlıan De Sılva. Tehnologııa kómegimen 30 jastaǵy Herd beti ıdealdy dep esepteletinmen 91,85 paıyz sáıkes keledi.
Daily Mail aqparatynsha, ádistemege súıenip hırýrgtar ózge belgili tulǵalardyń betterin de ıdealdy dep tapty. Olardyń ishinde Kım Kardashıannyń qasy, aktrısa Skarlett Iohansonnyń kózi, Rıannanyń bet pishini, model Emılı Ratakovskıdiń erni men sýpermodel Keıt Mosstyń mańdaıy.
