Ǵalymdar álemde sútti eń kóp ishetin eldi anyqtady
ASTANA. QazAqparat - Shvetsııa, Danııa jáne Skandınavııanyń basqa da elderi Jer júzinde eń kóp sút tutynady, ıaǵnı kúnine 1,6 staqan sút ishedi, al Karıb basseıni elderi gazdalǵan sýsyn men basqa da zııandy tátti sýsyndardy kóbirek áýes, deıdi Jerdiń ár túpkirindegi elderdiń sýsyndardy tutynýy boıynsha esepti daıyndaǵan ǵalymdar.
Bostondaǵy (AQSh) Taftsa ýnıversıtetiniń ǵalymy Darıýsh Mozafarrıan men onyń áriptesteri PLoS One jýrnalyna jarııalanǵan esepti daıyndady. Olar munda álemniń 187 eliniń alkogolsiz sýsyndardy tutynýy boıynsha derekter keltirgen. Ǵalymdar ǵalamshar óńirleriniń árqaısysy túrli sýsynnyń birine qatań geografııalyq beıimdelgenin anyqtady.
Mysaly, Shvetsııa, Fınlıandııa, Skandınavııanyń basqa elderi men Islandııa turǵyndary kúnine 1,3-1,6 staqan sút ishetin bolǵan. Bul ǵalamshardaǵy ortasha táýliktik normadan eki esege joǵary. Al tropıkalyq jáne kedeı elderde sútti edáýir az paıdalanady, dep habarlaıdy RIA Novostı.
