Ǵalymdar Aleksandr Makedonskııdiń óliminiń shynaıy sebebin anyqtady
ASTANA. 15 qańtar. QazAqparat - Brıtandyq zertteýshiler Aleksandr Makedonskııdiń ólimi onyń álsiz aǵzasyna aqsyrǵaq ýly ósimdiginiń áser etýinen bolǵan degen qorytyndyǵa keldi, dep habarlaıdy RIA Novostı. Ol qusý, bulshyq etteriniń álsizdenýi, tyryspa jáne tamyr soǵysynyń baıaýlaýy tárizdi belgilerden zardap shekken.
Aleksandr Makedonskıı aqsyrǵaq atty ýly ósimdikten kezdeısoq ýlanýdan qaıtys bolǵan, degen tujyrymǵa keldi brıtandyq ǵalymdar. Bul týraly maqala «Klınıkalyq toksıkologııa» atty jýrnalda jaryq kórgen.
Uzyndyǵy bir jarym metrge deıin jetetin aqsyrǵaq ósimdigi Eýropa men Azııanyń ońtústik óńirlerinde ósedi. Brıtandyq toksıkologtar aqsyrǵaqtyń basqa da ýly ósimdikter tárizdi medıtsına salasynda keńinen qoldanylatynyn atap ótken.
Áıgili qolbasshynyń 32 jasynda ólim qushýynyń sebepteri týraly jazbalardy bizdiń dáýirimizge deıin 323 jyly ómir súrgen kýágerler qaldyrǵan. Ondaǵy málimetterge sensek, Aleksandr urys alańynda alǵan jaraqattarynan qatty álsirep, aýyr psıhologııalyq kúıdi bastan keshirgen. Ol ishimdik ishýmen qatty áýestenip, esinen tanyp qalatyn bolǵan. Sol sátte grek dárigerleri onyń boıynan «zulym kúshterdi shyǵarý» jáne qustyrý úshin aqsyrǵaqtan ázirlenip, bal qosylǵan sýsyn bergen. Osy málimetterdi egjeı-tegjeıli zerttegen mamandar maqalada Makedonskııdiń bul aýrýǵa Baǵdad qalasynda dýshar bolǵanyn da atap ótken.
