Ǵalymdar: Aqýyz dıetasy jasarýǵa kómektesedi
ASTANA. QazAqparat - Sońǵy ýaqytta mamandar et ónimderinen bas tartyp, jemis-jıdekti kóptep jeý kerektigin aıtyp jatsa, japondyq ǵalymdar aqýyzdy kóp mólsherde paıdalana jón dep otyr. Atap aıtqanda, zertteýshiler janýarlardyń etindegi aqýyzdar adamdardyń fızıkalyq jáne psıhıkalyq jaǵdaıyn joǵary deńgeıde ustap turady degen málimdeme jasady.
Ǵalymdardyń aıtýynsha, bul tek jastarǵa ǵana emes, egde jastaǵy eresek adamdar úshin de mańyzdy. Osy oraıda, olar jaqynda Japonııada myń adamdy testileýden ótkizip, saýalnama júrgizipti. Zertteýdiń birinshi kezeńinde qatysýshylar qalaı tamaqtanatyndaryn aıtyp bergen. Arada jeti jyl ótken soń olar atalǵan test suraqtaryna qaıtadan jaýap berip, dárigerlerdiń tekserýinen ótken.
Qatysýshylarǵa yńǵaıly bolýy úshin aqýyzdy paıdalanýshylardy tórt topqa bólgen. Nátıjesinde, aqýyzdy paıdalanýshylardyń ony múldem paıdalanbaǵan adamdarǵa qaraǵanda, dementsııa men mıdyń basqa da aýrýlaryna eki esege az shaldyǵatyndyǵy anyqtalǵan. Ásirese, aqýyzdyń er adamdardyń aǵzasyna paıdaly ekeni de baıqalǵan, dep jazady Rosbalt.
