Ǵalymdar: AITV (VICh) manıkıýrǵa arnalǵan quraldar arqyly juǵady
ASTANA. QazAqparat - Dárigerler AITV (VICh) indetin tıisti óńdeýden ótkizilmegen manıkıýr quraldaryn qoldaný kezinde juqtyrý qaýpi bar ekendigin málimdedi. Eskertýge 22 jastaǵy boıjetkenniń oqıǵasy sebep boldy. Ol AITV aýrýyna shaldyqqan týysqan qyzdan manıkıýr quraldaryn alyp, qoldanǵan soń, aýrýdy ózine juqtyryp alǵan, dep jazady sheteldik BAQ.
Apaly-sińlili manıkıýr jıyntyqtaryn sońǵy birneshe jyl boıy ortaq qoldanyp kelgen, sonyń saldarynan deni saý boıjetken indetti juqtyryp aldy. Taldaý 22 jastaǵy boıjetkenniń indetti juqtyryp alǵanyn kórsetkennen keıin dárigerler zertteýlerin jalǵastyryp, oǵan AITV indetiniń tıisti tazalaýdan ótkizilmegen manıkıýr quraldary arqyly juqqanyn dáleldedi.
Olar indettiń juǵýy múmkin basqa joldaryn joqqa shyǵaryp, endi manıkıýr quraldary terini shanyshqylap boıap áshekeıleýge (tatý) arnalǵan, akýpýnktýrlyq jáne ınektsııalyq ıneler sııaqty tyıym salynǵan quraldar tizimine engizilýi tıis ekenin atap ótti. Biraq, dárigerlerdiń sendirýinshe, indet las manıkıýr quraldary arqyly berilse de, indetti juqtyrý qaýpi joǵary emes dep baǵalaıdy.
