Ǵalymdar adamzat kompıýterlerden qyrylýy múmkin dep sanaıdy
ASTANA. 28 qarasha. QazAqparat - Qyrǵı-qabaq soǵys kelmeske ketti, ıadrolyq apat qaýpi de seıilip kele jatqandaı. Alaıda endi adamzattyń ómir súrýine kompıýterler men jasandy ıntellekt qaýip tóndirmek.
Kembrıdj ǵalymdary «Termınator» fılminiń stsenarııi osy ǵasyrdyń ózinde shyndyqqa aınalýy múmkin degendi aıtady, dep habarlady vesti.ru.
Kembrıdjdiń ekzıstentsıaldyq táýekelderdi zertteý ortalyǵy (CSER) zertteý júrgizip, qazirgi zamanǵy tehnologııalar adamzat órkenıetin taıaýdaǵy keleshektiń ózinde joıyp jiberetinin dáleldedi. Ǵalymdar bıotehnologııalardan, jasandy ıntellektiden, nanotehnologııadan, ıadrolyq soǵystan jáne klımattyń ózgerýinen týyndaıtyn qaýipterdi taldady.
Skype-tiń negizin qalaýshylardyń biri ıAaan Tallın jáne fılosof Hıý Praıs eń basty qaýip, komıýterlerdiń esepteý qýatynyń arta túsýi degen senimde. Erte me, kesh pe, áıteýir, bul úderis «Biryńǵaı jasandy ıntellekt» jasalýyna ákep soǵady. Sonda olar ózdiginen baǵdarlama jasap, adamdardyń kómeginsiz robottardy ómirge ákelip, óz «urpaǵyn» ósirýi múmkin.
«Osy ǵasyrdyń ishinde aqyl-oı bıologııalyq tabıǵat sheginen ketedi. Intellektige elektrondyq júıeler ıe bolady, sol kezde Jerdegi aqyl-oı ıesi biz ǵana bolyp qalmaımyz, deıdi Praıs. - Sondyqtan da biz bul yqtımaldyqqa beı-jaı qaramaýymyz tıis. Jasandy ıntellektini oılap tabý - jańa Pandora jáshigine aınalýy múmkin. Biz olardy durys paıdalanbasaq, onyń saldary apatqa ákep soqtyrýy ǵajap emes».
Praıstyń pikirinshe, negizgi qaýip mynada: kúnderdiń kúninde aqyl-oıy artqan kompıýter resýrstardy óz qajetine qaraı bólip, adamzattyń talap-tilegine qarsy kelýi múmkin. «Adamzat óziniń jer ústindegi basty róli úshin kúresýi tıis, deıdi Praıs. - Aıtalyq gorıllany alaıyq. Olar adamdardyń jaýyǵýynan ólip jatqan joq, biz óz tilegimizge oraı olardyń qorshaǵan ortasyn ózgertip, tirshilik aıasyn taryltyp, ómir súrýine múmkindik bermeı jatyrmyz».
