Ǵalymdar adamnyń jıi esineý sebebin anyqtady
ASTANA.QazAqparat - Vena ýnıversıtetiniń ǵalymdary adamnyń esineý jıiligi jyl maýsymyna, demek aýa temperatýrasyna baılanysty ekenin aıqyndady.
Bul týraly maqala «Physiology & Behavior» ǵylymı jýrnalynda jarııalanǵan, dep jazady Gazeta.rý. Olar bul qorytyndyny júz adam qatysqan zertteýlerdiń nátıjesinen keıin jasaǵan. Ǵalymdar oǵan qatysýshylardy qalada qydyrystaǵan kezderinde jyl boıy úzdiksiz baqylap otyrǵan. Sóıtip, olar adamdardyń ystyq jáne qurǵaq aýa raıynda jıirek esineıtinin anyqtaǵan. Esineý kezinde adamnyń mıy salqyndaıtyndyqtan, ǵalymdar bul qubylysty qısyndy dep taýyp otyr. Áıtse de, aptap ystyqta jıi esineýdiń adamǵa kóp kómegi tıe qoımas. Degenmen, onyń maqsaty denede salqyndyq sezimin týdyrý ekeni aıqyn boldy.
