ǴALYMDAR: Adamnyń tańdaǵan kásibi onyń minezimen baılanysty
ASTANA. QazAqparat - Adamnyń tańdaǵan kásibi onyń minezi týraly aıtyp bere alady, dep esepteıdi ǵalymdar.
Orhýs ýnıversıtetiniń zertteýshileri 12 jekelegen zertteýge qatysqan 13 myńnan astam stýdenttiń málimetterin taldady. Eriktiler tulǵanyń negizgi bes sıpaty - ashyqtyq, adamgershilik, jumsaqtyǵy sııaqty suraqtar qamtylǵan paraqshalardy toltyrdy, dep jazady The Daily Mail.
Mamandar adamnyń ýnıversıtette oqyǵany men onyń mineziniń sıpattary arasyndaǵy araqatynasty anyqtaǵan. Atap ótkende, medıtsına, quqyq, ekonomıka jáne saıasattaný fakýltetteriniń stýdentterinde ekstraversııa deńgeıi basqalaryna qaraǵanda aıtarlyqtaı joǵary boldy. Zańger, ekonomıstter jáne bıznes fakýltetiniń qatysýshylary eń az kóngish boldy. Olar jomarttyqty sırek tanytyp, basqalarǵa az kómektesken.
Mádenıet jáne óner fakýltetinen eriktiler, sondaı-aq psıhologııa jáne saıasattanýdy oqyǵandar jańalyq úshin ashyq, ıaǵnı shyǵarmashylyq tulǵalar bolyp shyqty. Kópshilik úshin «eń jabyq» tulǵalardyń arasynda ekonomıster, ınjenerler, zańgerler jáne jaratylystaný ǵylymdary fakýltetiniń stýdentteri boldy.
Mádenıet pen óner salasynda oqyǵan adamdar basqalaryna qaraǵanda az adal jáne júıkesi «juqa» bolyp shyqty. Psıhologııa fakýltetiniń stýdentteri de olardan alys ketken joq. Mamandar olardyń jasaǵan qorytyndylary mektep oqýshylaryna kásip tańdaýǵa, al oqytýshylarǵa - óz dáristerin durys josparlaýǵa kómektesetinine úmittenip otyr.
