Ǵalymdar adamnyń nege jalqaý bolatynyn anyqtady
ASTANA. QazAqparat - Oksford ýnıversıtetiniń ǵalym-neırobıologtary jańa ǵylymı zertteý jumysynda adam boıyndaǵy jalqaýlyq qasıettiń mı jumysyndaǵy kórinisin anyqtady, dep jazady meddaily.ru
Atap aıtsaq, eksperımentke qatysýǵa tilek bildirgen barsha eriktilerge fızıkalyq kúshti talap etetin túrli tapsyrmalar berildi. Qatysýshy tapsyrmany oryndasa, oǵan syıaqy beriletini jarııalandy. Bul rette ǵalymdardyń mindeti qatysýshy-eriktilerdiń mı belsendiligi kórsetkishin magnıttik-rezonanstyq tomograf kómegimen anyqtaý boldy. Zertteý nátıjesinde, mamandar enjar adamdardyń mı qabyǵy qozǵalysynyń erekshelikterin baıqady. Enjar, borkemik, jalqaý adamdar tapsyrmany «oryndasam ba, oryndamasam ba?» degen ekiudaı suraqqa kóp bas qatyratyn bolyp shyqty. Olardyń tapsyrmany iske asyrýǵa arnalǵan energııasy osylaı azaıyp qalatyny anyqtaldy. Alynǵan nátıje ǵalymdarǵa keleshekte patologııalyq sıpaty bar enjar adamdardy emdeý ádistemesin ázirleýge járdemdesedi dep qorytyndylandy.
