Ǵalymdar: Adamnyń densaýlyǵy minez-qulqyna baılanysty
ASTANA. QazAqparat - Minez-qulqy men nıeti jaqsy adamdardyń densaýlyǵy da myqty bolyp keledi, dep tujyrymdaıdy Dıýk Ýnıversıtetiniń ǵalymdary. On eki jyl júrgizilgen zertteý barysynda olar emdelýshilerdiń minez-qulqy men densaýlyq jaǵdaıy bir-birimen tikeleı baılanysty ekenin dáleldeı aldy.
Tájirıbege óz erkimen qatysýshylardyń jartysyna jýyǵynan nemquraılylyq kórindi, sondaı-aq olardyń arasynda holesterın deńgeıiniń joǵarylaýy, arterıaldy gıpertenzııa jáne qyzyl ıektiń aýrýlary sııaqty dertterge shaldyǵýy baıqaldy. Bul kezeńde «óz erkimen qatysýshylardyń» 18 paıyzy mundaı aýrýlarǵa shaǵymdandy.
Ǵalymdardyń pikirinshe, qalyptasqan tulǵalar ózderiniń ómirlik ustanymdaryna jaýapty bolyp keledi. Olar alkogoldi ishimdikterdi ishpeıdi, temeki shekpeıdi jáne esirtkige de áýes bolmaıdy. Ádette mundaı adamdar belsendi ómir súredi, densaýlyqtaryna nemquraıly qaramaıdy.
Sondaı-aq IQ joǵary adamdar men qyzyqqumar adamdar da deni saý bolyp sanalady. Sebebi ǵylym-bilimge umtylatyn bundaı adamdar aýrýdy boldyrmaýǵa ǵana emes, sol aýrýdyń aldyn alyp, dárigerge de der kezinde kórinedi, dep jazady sheteldik BAQ.
