Ǵalymdar adamǵa qatty uqsaıtyn robot boıjetken jasap shyǵardy
ASTANA. QazAqparat - Qytaı ǵylymı-tehnıkalyq ýnıversıteti qytaılyq CCTV arnasy vıdeosyn jazǵan robot boıjetkendi qaıta kórsetti. Budan buryn Internette onyń túsirilimderi paıda bolǵan, dep habarlady Rosbalt.
Jia Jia esimdi robot syrttaı jas azııalyq boıjetkenge uqsaıdy. Bir kórgende adam dep qalýǵa bolady. Robottyń terisi sılıkonnan jasalǵan, al bet beınesi ýnıverstettiń bes stýdentiniń kelbetine uqsatylyp jasalǵan.
Jia Jia basyn ızep, kózin ashyp-jumyp, qolyn qozǵalta alady. Budan basqa ol ıesiniń daýysyn tanýǵa qabiletti jáne ony «ıem» dep ataı alady.
Paıdalanýshylar pikirde robottyń syrtqy túri ǵana kádimgi adamǵa uqsaıtynyn, al tehnıkalyq jaǵyn pysyqtaý qajettigin atap ótken. Kópshiligi robottyń qozǵalysyn qyzyq, jasandy, qorqynyshty jáne t.b. dep baǵa bergen.
