Ǵalymdar adamdarǵa jasandy qan quıýǵa daıyn
ASTANA. QazAqparat - Tańdanarlyq erekshe zertteýden keıin birinshi ret adamnyń jasýshalarynan jasalǵan jasandy qan synaldy, dep jazady The Times gazeti.
Edınbýrg ýnıversıtetiniń jobasyn basqarýshy Shotlandııa qan quıý ulttyq qyzmetiniń medıtsınalyq dırektory Mark Terner bylaı dep atap ótti: «Biz birinshi ret adam denesine paıdalanýǵa jaraıtyn qyzyl qan túıirshikterin jasap shyǵardyq. Buryn bizde mundaı bolmaıtyn».
2016 jyly júrgizýdi josparlap otyrǵan zertteý ónerkásiptik aýqymda qandy óndirýge jol ashýy múmkin. Tipti, donorlyq qan ornyn aýystyrýy múmkin.
Zertteýge júıeli túrde qan quıýdy qajet etetin qan túıirshikteriniń aýrýy - talassemııaǵa shaldyqqan úsh naýqas qatysady. Olar bastapqyda shamamen 5 ml qan alady. Ol jasýshalardyń aǵzada qanshalyqty áser etetinin tekserýge múmkindik beredi. Professor Terner bul jańalyq jónindegi habarlandyrý qan donorlyǵyn toqtatýdyń belgisi bolmaýy kerektigin atap ótti, biraq onyń paıymdaýynsha, jasandy qandy paıdalaný jıyrma jyldan keıin qalypty jaǵdaıǵa aınalýy múmkin.
