Ǵalymdar adamdardyń jaqsy men jamanǵa bólinýi sebepterin túsindirdi
ASTANA. QazAqparat - Shvetsııa men Ulybrıtanııa bıologtary adamdardy jaqsy-jamanǵa bólý sebebin túsindirdi. Zertteý PLOS Computational Biology jýrnalynda jarııalandy. Ol týraly EurekAlert basylymyna silteme jasap, Lenta.ru habarlady.
Jumys barysynda adamdardyń basym bóliginde sol nemese ózge minez-qulyqtyń qalyptasýyna genetıkalyq beıimdilik bolatyny anyqtalǵan. Mundaı tujyrymǵa ǵalymdar janýarlar men adamdardyń áleýmettik ózara qarym-qatynasynyń evolıýtsııasyn zerdeleýge múmkindik beretin matematıkalyq model ázirleı otyryp keldi.
Mıkrobtardyń bolýyn sıpattaıtyn úlgide bıologtar adamdardyń áleýmettik evolıýtsııasynyń úlgisin jasap kórdi. Olar basqanyń qamyn oılaýǵa yqpal etetin jáne kedergi keltiretin belgilerdiń ósip-ónip taralýyn boljady.
Adamdardyń minezi tuqym qýalaıtyn genetıkalyq faktorlar jıyntyǵymen aıqyndalady. Atap aıtqanda, qoǵamnyń basqa múshesimen baılanysty qamtamasyz etedi. Mundaı ózara áreket tikeleı jeke tulǵa úshin kóbinese tikeleı zııandy bolady. Alaıda topqa qatystylyǵyn uǵyný jaǵdaıdy ózgeshe qabyldaýǵa múmkindik beredi.
«Biz búginde muny minez-qulyqqa yqpal etetin basqa faktorlarmen birge biryńǵaı qurylym aıasynda zertteýge múmkindik beretin model ázirledik», dedi zertteýdi birlesip oryndaýshy Olof Leımar. Ol zertteýshiler óz modelin eskperımentte tekserip kórmekshi ekenin atap ótti.
