Ǵalymdar adamdardyń nege ótirik aıtatynyn anyqtady
ASTANA. QazAqparat - AQSh jáne Ulybrıtanııa ǵalymdary adamdardyń jalǵan sóıleý sebepterin anyqtady. Olar zertteý júrgizip, ony Nature Neuroscience basylymynda jarııalady.
Ǵalymdar zertteýge 80 eriktini iriktep aldy. Olarǵa arnaıy oıynǵa qatysý usynyldy. Qatysýshylar juptarǵa bólindi. Eriktilerdiń biri ǵylymdardyń «seriktesi» boldy. Bul adam oıynda paıdaly bolatyn aqparatty alyp otyrǵan. Zertteý kórsetkendeı, «seriktes» ár kezeńde oıyn serigin aldaýǵa tyrysty.
Oıyn kezinde tájirıbege qatysýshylardyń mı jumysyn ǵalymdar magnıtti-rezonansty terapııa apparatynyń kómegimen zerttedi. Adam ótirik sóılegende badamshalar belsendi jumys isteıtini anyqtaldy. Alaıda adam neǵurlym kóp jalǵan sóılese, mıdyń bul bóliginiń belsendiligi tómendegen.
Osyǵan baılanysty ǵalymdar adamdar júıeli túrde ótirik aıtýǵa úırenedi degen toqtamǵa keldi.
