Ǵalymdar: Adamdardyń 80 paıyzy uıqy kezinde tynystyń toqtaýy sındromynan zardap shegýde
ASTANA. QazAqparat - Adamdardyń 80 paıyzy uıqy kezinde tynystyń toqtaýy sındromynan zardap shegýde. Túrli jastaǵy 8 myń erikti qatysqan kólemdi zertteýlerdiń qorytyndysy osyndaı, dep habarlaıdy Rosbalt.
Saýaldama kezinde 100 adamnyń 16-sy ǵana uıqymen jáne uıyqtap qalýmen baılanysty problemalarynyń joqtyǵyn aıtty.
Zertteý nátıjesinde adamdardyń 84 paıyzynan uıqynyń nasharlaýy tirkelgen. Uıqysyzdyq, uıyqtap qalýdyń nasharlaýy nemese mazasyz uıqyǵa únemi jumystaǵy kúızelis nemese ómirdegi problemalar sebep bolyp otyr.
Budan basqa, bul problemalar apnoe atty ólimge aparatyn aýrýǵa shaldyqtyrady nemese uıqy kezindegi tynystyń aıaq astynan toqtap qalýynyń damýyna ákelip soqtyrýy múmkin, dep jazady avufa.ru.
Bul aýrýǵa shaldyqqan adamdar tańerteńnen bastap ózderin demalmaǵandaı, keı kezderi álsiregen tárizdi sezinedi. Apnoeniń basty sebebi - adamnyń basynan ótken kúızelisi, emotsııalyq ýaıymdaýy men únemi sharshaý sezimi. Jaqyndary men týystary bul belgilerdi baıqaǵan jaǵdaıda dereý dárigerlerge qaralǵan jón. Apnoe tynys alýdyń tolyq toqtaýyna ákelip soqtyrýy yqtımal - adam uıqydan keıin múldem oıanbaı qalýy múmkin.
