Ǵalymdar: Adamdar úıde otyrǵanda ýly zattarmen kóbirek demalady
ASTANA. QazAqparat - Ǵalymdar óndirýshiler «ekologııalyq taza» dep nemese jasyl belgimen belgilep satatyn turmystyq hımııa ónimderi ýly zattardy bóledi degen sheshimge keldi.
Mamandar «ekologııalyq taza» dep belgilengen 37 turmystyq hımııa ónimderiniń hımııalyq quramyn zerttedi. Zertteý jumysy bul ónimderdiń quramynda 156 ushpa organıkalyq qosyndy bar ekenin anyqtaǵan. Olardyń 42-si adam úshin ýly bolyp tabylady eken. Árbir ónim quramynda kem degende bir ýly qospadan bolǵan, dep habarlady "Gazeta.rý".
Ǵalymdar óndirýshiler ónim etıketkasynda ónimdegi 550 ushpa qosyndynyń tek 3%-yn ǵana kórsetkenin anyqtaǵan. Mamandar adamdar úıde otyrǵanda ýly zattarmen kóbirek demalady degen boljamyn aıtty. Olar adamdar qoldanatyn hımııalyq zattardyń shynaıy quramyn zertteý boıynsha jumystaryn jalǵastyrýǵa nıetti.
