Ǵalymdar adam súıekteri men bulshyq etterin «basyp shyǵaratyn» 3D-bıoprınter jasap shyǵardy
ASTANA. QazAqparat - Amerıkalyq bıoınjenerler baǵanalyq jasýsha men arnaıy polımerlik shablondar kómegimen deneniń jekelegen súıekteri, qol, qulaq shemirshektiń tolyqqandy kóshirmelerin «basyp shyǵarýǵa» múmkindik beretin 3D-bıoprınterin jasap shyǵaryp, sátti synaqtan ótkizdi, - delingen Nature Biotechnology jýrnalynda shyqqan maqalada.
«Bul tinder men aǵzalardy basyp shyǵara alatyn tehnıka asa mańyzdy, ári patsıentter úshin dene múshelerin daıyndaýǵa múmkindik beretin tehnologııany jasaýdaǵy eleýli qadam dese bolady. Endi bizde qımyl-qozǵalys kezinde turaqtylyqty saqtaıtyn adam aǵzalaryn basyp shyǵarý múmkindigi bar. Keleshekte tehnologııa ımplantatsııa jasaý úshin jaramdy tinder men aǵzalar «basyp shyǵarýǵa» múmkindik beretin bolady», - dep málimdedi Ýeık-Foreste Regeneratıvti medıtsına ınstıtýtynan Entonı Atala (Anthony Atala).
Atala men onyń áriptesteri atap ótkendeı, baǵanalyq nemese «eresek» jasýshalardan aǵza ósirip shyǵarýda basty kedergi bar. ıAǵnı, olardy tek juqa qabatty ǵyp qana basyp shyǵarýǵa bolady. Ǵalymdardyń aıtýynsha, eger onyń qalyńdyǵy 200 mıkrometrden assa, qan tamyrlary bolmaǵandyqtan, nárli zattar men ottegi sińbeı, tin tirshiligin joıa bastaıdy.
Maqala avtorlary jasýshalardy qabattaýǵa múmkindik beretin erekshe polımer oılap taýyp, bul máseleni de sheshti. Bul súıekter, bulshyq etter nemese shemirshek jasýshalarynyń shekteýsiz aýqymda ósýine yqpal etedi.
