Ǵalymdar adam men akýlanyń genetıkalyq uqsastyǵyn tapty
ASTANA. 7 jeltoqsan. QazAqparat - Ǵalymdar aq akýlanyń gender jıyntyǵyn danıo balyǵy men adamnyń gender jıyntyǵymen salystyryp kórdi. Salystyrý akýlalardyń zat almasýǵa jaýapty aqýyzdarynyń adamnyń osyndaı fýnktsııany atqaratyn aqýyzyna uqsas bolatynyn kórsetti, dep jazady ria.ru.
Aq akýla eń jyrtqysh akýlalarlyń túri bolyp tabylady jáne qazir ol túrdiń joıylý qaýpi tónip turǵandyqtan, ǵalymdar ony zertteýge qumar bolyp keledi.
Kornell ýnıversıtetiniń ǵalymdary (AQSh) brakonerler ustaǵan aq akýlanyń júregin zertegen. Zertteýshiler aq akýlanyń gender jıyntyǵyn danıo balyǵy (Danio rerio) men adamnyń gender jıyntyǵymen salystyryp kóredi. Nátıjesinde danıo balyqtarynyń akýlaǵa uqsastyqtary az ekendigi anyqtalyp, kerisinshe, bul jyrtqyshtyń zat almasýǵa jaýapty aqýyzdary adamnyń osyndaı fýnktsııany atqaratyn aqýyzyna uqsas bolatynyn anyqtady.
Ǵalymdar mundaı qorytyndyny aq akýlalarda, atap aıtqanda, jylyqandy balyqtarda salqynqandy balyqtarǵa qaraǵanda zat almasý óte shapshań ótetindigimen túsindirýge bolady dep oılaıdy. Bolashaqta ǵalymdar aq akýlanyń genin basqa jylyqandy jyrtqysh balyqtarmen salystyryp, óz boljamdaryn tekserýdi josparlaýda.
