Ǵalymdar adam aǵzasyndaǵy isikti anyqtaıtyn gıdrogel oılap tapty
ASTANA. QazAqparat - Polsha ǵalymdary adam aǵzasyndaǵy isikti anyqtaıtyn gıdrogel oılap tapty, dep jazady Habar 24.
Jańalyqtyń mańyzdylyǵy osy aýytqýlardy zerttep, tıimdi dári-dármek jasap shyǵarýdy jeńildete túsedi.
Ǵalymdardyń aıtýynsha, dárigerler bul gel arqyly dástúrli qural-aspaptarmen jasalǵan zertteýlerge qaraǵanda áldeqaıda artyq nátıjege qol jetkize alady. Jáne de qandaı da bir dári jasap shyǵarý úshin janýarlarǵa júrgiziletin tájirıbelerdi de azaıtýǵa kómektesedi. Polıak ǵalymdary bolashaqta bul geldi barlyq zertteý ortalyqtarynda paıdalana bastaıtynyna senimdi.
«Bizdiń myna oılap tapqan sýly gel zerthanalyq jaǵdaıda adamdardyń denesindegi jasýshalardyń ósý ortasyn qalyptastyrady. Ol sonysymen qundy», - dedi zertteýshi Martın Krızkavskı.
