Ǵalymdar 90 myńdaı adam ómirin jalmaǵan eleýsiz aýrýdyń bar ekendigin jarııa etti
ASTANA. QazAqparat - Álemde jyl saıyn 90 myńdaı adam melıoıdoz atty eleýsiz aýrýǵa shaldyǵyp qaıtys bolady eken. Bul týraly AQSh-tyń Oksford jáne Vashıngton ýnıversıtetteri ǵalymdarynyń zertteýinde kórsetilgen, dep habarlaıdy Bı-Bı-Sı agenttigi.
Ǵalymdardyń baıandamasy búgin Nature Microbiology jýrnalynda jaryq kórdi. Ǵalymdardyń esepteýinshe, 2015 jyly álemde melıoıdozben 165 myń adam aýyryp, sonyń 89 myńy qaıtys bolǵan.
Bul dert - jylyna 95 myń adam ómirin jalmaıtyn qyzylsha sekildi óte qaýipti. Salystyrsaq, Denge bezgeginen jylyna 12,5 myń adam qaıtys bolady.
Bul aýrý Ýıtmor dep te atalady, ol sepsıs túrinde aǵzaǵa jaıylyp túrli organdardy qabyndyrady. Buryn ǵalymdar dertti Ońtústik-Shyǵys Azııada jáne Avstralııanyń soltústiginde ǵana kezdesedi dep eseptep kelgen. Alaıda sońǵy derekterde syrqat Ońtústik jáne Ortalyq Amerıkada, Afrıka, Taıaý Shyǵysta ushyrasatyny belgili bolyp otyr.
Aýrýdy basqa bakterıaldyq syrqattardan aıyrý qıynǵa soǵady. Bul dertke shaldyqqandardyń 70 paıyzǵa jýyǵy kóz jumady.
