Ǵalymdar 48 mln jyl burynǵy tasqa aınalǵan jylannyń ishinen kesirtkeni tapty
ASTANA. QazAqparat - Ǵalymdar 48 mıllıon jyl burynǵy tasqa aınalǵan jylandy, onyń as qorytý júıesindegi kesirtkeni jáne kesirtkeniń asqazanyndaǵy qońyzdy taýyp, qorektik tizbektiń kórneki dálelin kórsetti, dep habarlady Science Alert.
Germanııanyń ońtústik-batysyndaǵy Messel taý keninen qorek tizbeginiń dáleli tabyldy. Bul ken orny óziniń qundy tas músinderimen (56-34 mln jyl buryn) tanymal. Tabylǵan olja qorek tizbegine qatysy bar ekinshi jádiger.
Boljam boıynsha, eki kún buryn qońyz jegen kesirtkeni jutqan jylan zııandy býlarǵa tunshyǵyp, janartaý kólinde qulaýy múmkin jáne sol kól túbinde tas bolyp qatyp qalyp búgingi kúnge jetken.
2008 jyly 250 mıllıon jyl burynǵy taǵy bir kóne jádiger tabylǵan edi. Tas músinniń akýla ekenin anyqtaldy, onyń asqazanynan qosmekendi, al qosmekendi ishinen kishkentaı balyq shyqqan bolatyn.
