Ǵalymdar 46 myń jyl buryn tirshilik etken qurttardy tiriltti

NЬıÝ-IORK. QazAqparat – Ǵalymdar Sibirden tabylǵan ejelgi domalaq qurttardy ondaǵan myń jyldan keıin qaıta tiriltti, dep habarlaıdy QazAqparat New York Times basylymyna silteme jasap.

46 000 jyldyq nematod qurttar muzdan erigen kezde tirilip, ómirdi belgisiz ýaqytqa toqtata turýǵa bolatynyn kórsetti.

Osy aptada PLOS Genetics jýrnalynda jarııalanǵan jańalyq qurttardyń ekstremaldy jaǵdaılarda óte uzaq ýaqyt, bul jaǵdaıda ondaǵan myń jyl ómir súre alatynyna túsinik berdi.

2018 jyly RǴA Fızıka-hımııalyq jáne topyraqtanýdyń bıologııalyq máseleleri ınstıtýtynyń ǵalymy Anastasııa Shatılovıch Arktıkadaǵy saryshunaqtar qazǵan innen eki analyq qurtty eritken.

Germanııadaǵy Maks Plank atyndaǵy Molekýlalyq-jasýshalyq bıologııa jáne genetıka ınstıtýtynyń baspasóz habarlamasyna sáıkes, shamamen 130 fýt tereńdikte máńgi muzǵa kómilgen qurttardy sýǵa salǵanda jan bitken.

Reseıdegi Kolyma ózeniniń atymen atalǵan Panagrolaimus kolymaensis qurttaryn Germanııaǵa ári qaraı zertteýge jibergen.

Zertteýshilerdiń aıtýynsha, ómir súrý uzaqtyǵy kúndermen ólshenetin tirshilik ıeleri zerthanada birneshe urpaq qaldyrǵannan keıin ólgen.

Radıokómirtekti merzimdeýdi qoldana otyryp, zertteýshiler olardyń 45 839 jáne 47 769 jyl buryn qatyp qalǵanyn anyqtady.