Ǵalymdar 400 jyl buryn jazylǵan hattardy tapty
ASTANA. 10 qańtar. QazAqparat - Jaqynda Ońtústik Koreıa Respýblıkasynyń arheologtary Andoń qalasynda osydan 400 jyl buryn qaıtys bolǵan Intaı esimdi er adamnyń máıitin anyqtady.
Sonymen qatar ǵalymdar 1568 jyldyń 1 mamyrymen belgilengen onyń jesir qalǵan áıeliniń saǵynyshy baıandalǵan onǵa tarta hatyn da tapty.
Hatta bylaı dep jazylǵan׃ «Seniń árdaıym birge qartaıyp qart kempir-shal bolaıyq, sosyn bir kúnde birge bul dúnıege qosh aıtaıyq degen sóziń áli esimde. Qalaısha meni tastap, jalǵyz o dúnıege attanyp barasyń?
Sensiz munda ómir súrgim kelmeıdi, jalynam, meni ózińmen birge ala ketshi! Saǵan degen sezimimdi umyta almaımyn, qazirgi kóńil kúıimdi tek ózim ǵana túsine alamyn. Endi sensiz myna jaryq dúnıede maǵan oryn joq...»
Arheologtardyń aıtýynsha, bul máıittiń uzyndyǵy 1,75 metr jáne sol zamandaǵy erkekterge qaraǵanda áldeqaıda boıshań bolǵan.
Aıta keterligi, hatta belgilegen ýaqyt ataqty aǵylshyn jazýshysy Shekspırdiń (Romeo men Djýletta) shyǵarmalary jaryqqa shyqqan merzimge saı kelip otyr.
