Ǵalymdar: 2030 jylǵa qaraı Aıdan gelıı-3 óndirile bastaıdy
ASTANA. QazAqparat - Úndistan 2030 jylǵa qaraı Aıdan gelıı-3 óndirýdi bastap, ony energııa qory retinde paıdalanbaq, dep habarlaıdy IANS Úndistan ǵarysh zertteýler uıymynyń (ISRO) eńbek sińirgen professory Sıvathana Pıllaıǵa silteme jasap.
Ol atap ótkendeı, gelıı-3-ke baı Aıdyń betki qabatyn óńdeý - ISRO-nyń basty áleýetti jumystarynyń biri, dep jazady RIA Novostı.
«2030 jylǵa qaraı bul úderis (gelıı-3-ti energııa qory retinde paıdalaný) júzege asady», - degen Pıllaıdiń sózin keltiredi agenttik.
Ǵalymnyń aıtýynsha, Jerdiń tabıǵı seriginiń qory asa mol.
Aıta keter bolsaq, Aıdaǵy atalmysh baǵaly ızotoptyń qory keminde 500 myń tonnany quraıdy. Termoıadrolyq sıntez barysynda 1 tonna gelııden 15 mıllıon tonna munaıǵa para bar energııa bólinedi.
