Ǵalymdar 11:00-den 15:00-ge deıin kún astynda kóp qalmaýǵa keńes beredi
ASTANA. QazAqparat - Dárigerlerdiń aıtýynsha, kún astynda birneshe saǵat júrý, teri aýrýynyń týýyna áser etedi. AQSh-tyń jeke menshik Iel ýnıversıtetiniń mamandary kúnge kóp qyzdyrynǵannan teri obyry paıda bolatynyn eskertti.
Dárigerlerdiń aıtýynsha, tipti birneshe saǵat kún astynda jatyp nemese júrip qalsańyz, sonyń ózi teri aýrýynyń týýyna áser etedi. «Meddaily» basylymynyń jazýynsha, «ýltrakúlgin sáýleli DNQ quramyn ózgertip, teri jasýshalaryna zııan etetini áýelden belgili. Melanın - sáýleni «jutady». Alaıda, osy ýaqytqa deıin ǵalymdar sińgen sáýle qýaty ary qaraı qalaı áser etetinin anyqtaı almaı kelgen. Energııa jutqan melanın qaýipti reaktsııalardy týdyratyny endi ǵana belgili boldy». Jańa ǵylymı qorytyndy boıynsha, ǵalymdar endi saǵat 11:00-den 15:00-ge deıin kún astynda kóp qalmaýǵa keńes beredi, dep habarlaıdy kaztrk.kz.
