Ǵalymbek Kenjebaev: Biz Qamshybekke senemiz

NUR-SULTAN. QazAqparat – Bokstan Qazaqstan erler quramasynyń bas bapkeri Ǵalymbek Kenjebaev asa aýyr salmaqtaǵy Qamshybek Qońqabaevtyń Tokıodaǵy múmkindigi týraly pikir bildirdi, dep habarlaıdy QazAqparat tilshisi.

«Iá, sońǵy statıstıka, ózbekstandyq qarsylasymen bolǵan sońǵy jekpe-jekterdiń kórsetkishi Qamshybektiń paıdasyna sheshilip tur dep aıtýǵa kelmeıdi. Jalolov álemdik reıtıngide ózin jaqsy kórsetip, sońǵy jarystardyń bárin utyp shyqty. Biraq, Qamshybekke senemiz jáne úmittenemiz. Bul sýper aýyr salmaq. Sondyqtan bári bolýy múmkin», - dedi Ulttyq qurama tizginshisi.

Boksshy jigitterdiń bas bapkeri Olıpıada oıyndarynda árbir kezeńdegi qarsylas basty básekeles ekenin eskertip, Qamshybek áýeli qazir jolynda turǵan qarsylasyna qarsy daıyndyǵyn pysyqtaıtynyn atady.

«Taǵy da qaıtalap aıtam, chem p ıon bolý úshin áýeli fınalǵa deıin jetý kerek. Olımpıada chempıony ataný úshin áýeli alǵashqy urysta jeńý kerek. Kóbinese sportshylar ózin fınalda elestetip qatelesedi. Eger birinshi aıqasta jeńbeseń, chempıon túgil júldeger de bola almaısyń. Sondyqtan ár qarsylasqa jekpe-jek saıyn jospar quryp, daıyndalamyz», - dedi Ǵalymbek Kenjebaev.

Eske salsaq, búgin Tokıo Olımpıadasynda baq synaıtyn boksshylar arasynda jerebe tartý rásimi ótti.

+91 keli salmaqta baq synaıtyn Qamshybek Qońqabaevtyń alǵashqy qarsylasy mysyrlyq Esrı Rez Mustafa bolyp bekitildi.