Ǵalym Jaılybaıdyń «Tobylǵyjarǵan» jyr jınaǵy Qazaqstan Memlekettik syılyǵyna úmitkerler qatarynda
Halyqaralyq «Alash» syılyǵy men Reseı Jazýshylar uıymynyń Sergeı Esenın altyn medaliniń ıegeri, aqyn Ǵalym Jaılybaı « Janymnyń japyraqtary», «Júregimniń juldyzy», «Qus qanaty», «Qarashyǵymdaǵy qara óleń», «Ardakúreń» atty jyr jınaqtarynyń, sonymen qabar sońǵy jyldary ǵana qazaq jáne orys tilderinde jaryq kórgen "Aq sısa" - "Belyı sıtets" ("Oljas kitaphanasy" baspa úıi) poemasynyń avtory.
Ádebıet synshysy Baqytjan Abyzov Іlııas Jansúgirovtiń «Qulageri» men Ǵalym Jaılybaıdyń «Aq sısı» poemalary arasyndaǵy uqsastyqtardy ataı kele, ony bizdiń zamannyń «Qulageri» dep ataýy teginen bolmasa kerek. Aıta keterligi, reseılik tanymal aqyn Sergeı Mnatsakanıannyń aýdarmasymen orys tilinde jaryq kórgen Ǵ.Jaılybaıdyń bul poemasy Bashqurstan astanasy Ýfada ótken túrki tiline aýdarmalar halyqaralyq festıvalinde birinshi oryndy ıelengen edi . «Aq sısa» poemasy Farıza Ońǵarsynovanyń alǵysózimen «Tobylǵyjarǵan» jınaǵyna enip otyr.
«Qazir poema jazatyndar azshylyq qoı… Aıtqym kelgeni, men poemany óte súısine oqydym. Áserlendim, aqynnyń qalam qýatyna tánti boldym», - dep jazady Farıza aqyn. Sonymen qatar Farıza Ońǵarsynova Ǵalym aqynnyń ár óleńi astarly oı, tegeýrindi teńeýlerge toly ekendigin basa atap ótkeni este. «Tobylǵy – qazaq uǵymynda kıeli ósimdiktiń biri «Tobylǵyjarǵan» sózi tek saıynnan saǵym qashqan Saryarqada jıirek qoldanylady… Qazaqtyń qazaqy bolmysy buzylmaı turǵan shaqtaǵy qyr sulýlarynyń kúmisten quıylǵan, syńǵyr etken saıyn janaryńdy jaýlap, jarq etetin shashbaý-túımelerindeı Ǵalymnyń da ózgeshe órilgen óleńderi sol qatarda turýy haq», - dep jazǵan edi F.Ońǵarsynova.