Ǵalym jáne pedagog Hanısa Qanyshqyzy Sátpaeva dúnıeden ozdy
ASTANA. QazAqparat - 2016 jyly 11 maýsymda 94 jasynda QazKSR-ge eńbegi sińgen ǵylymı qyzmetker, medıtsına ǵylymdarynyń doktory, S. D. Asfendııarov atyndaǵy QazUMÝ qurmetti professory, Qazaqstannyń valeologııanyń negizin qalaýshy Hanısa Qanyshqyzy Sátpaeva - belgili akademık Qanysh Sátpaevtyń úlken qyzy ómirden ozdy.
Hanısa Satpaeva Qazaq Ulttyq medıtsına ýnıversıtetiniń ujymy otandyq densaýlyq saqtaýdyń altyn qorynyń ókilderiniń biri. Ǵylymda esimin qaldyrǵan adam. Uly Ǵalym jáne Pedagog.
X. Q. Sátpaeva kásibı ósimniń barlyq kezeńinen ótti. 1974 jyldan 1991 jylǵa deıin AMMI-diń aldyńǵy qatarly kafedralarynyń biri - qalypty fızıologııa kafedrasyn basqardy.
12 jyldaı emdeý fakýltetiniń dekany boldy. 1995 jyly professor Sátpaeva Qazaqstanda alǵash ret medıtsınalyq jáne pedagogıkalyq JOO arnalǵan «Adam fızıologııasy» oqýlyq shyǵardy. Bul kitap 2009 jyly qaıta basylyp shyǵaryldy. Osy eńbegi úshin Hanısa Qanyshqyzy A.Baıtursynov atyndaǵy medalmen marapattaldy.
Onyń basshylyǵymen Qazaqstannyń barlyq JOO-larynda valeologııa kýrsyn engizý boıynsha úlken sharýa atqaryldy. Valeologııa boıynsha memlekettik jáne orys tilderinde oqý-ádistemelik qural basyp shyǵardy (1999, 2007, 2009 jj).
D. Asfendııarov atyndaǵy Qazaq ulttyq medıtsınalyq ýnıversıtet Hanısa Qanyshqyzy Sátpaevanyń týystary men jaqyndaryna kóńil aıtady.
