Ǵalym-teologtarmen kezdesýde jastardy zııandy aǵymdardan saqtandyrý máselesi qozǵaldy - Almaty
ALMATY. Qazannyń 8-si. QazAqparat /Erbol Turymbetov/ - Búgin Almatydaǵy Q. Sátbaev atyndaǵy QazUTÝ-da «Meniń dinı senimim» taqyrybynda ǵalym-teologtar men stýdentterdiń kezdesýi bolyp ótti.
Mundaǵy maqsat jastarǵa elimizdiń dinge qatysty ustanymdaryn túsindirý men olardy túrli zııandy aǵymdardan saqtanýǵa shaqyrýdy kózdeıdi. Sharaǵa Almaty qalalyq Ortalyq meshitiniń naıb-ımamy Mádı Ahmetov pen ýnıversıtet prorektory fılosofııa ǵylymdarynyń doktory, professor Ulyqpan Sydyqov jáne basqa da ǵalym-teologtar qatysty.
«Qazirgi tańda elimizde jastardyń dinge bet burýy qarqyndy júrýde. Alaıda memleketimiz zaıyrly bolǵandyqtan dinı sektalar men ár túrli aǵymdardyń da beleń alyp turǵany belgili. Osy oraıda jastarymyzdyń aldaý men arbaýǵa túsip qalmasy úshin, dinı saýattaryn arttyrý baǵytynda osyndaı pikir almasý ótkizip otyrmyz», - dedi U. Sydyqov.
Kezdesý barysynda ımam din týraly, onyń qoǵamdyq máni jaıynda málimetter aıtty. Sonymen birge, stýdentterdiń suraqtaryna ımam men ǵalymdar jaýap berdi.
