Ǵalym tájirıbe úshin 12 jyl jýynbaı keledi
ASTANA. QazAqparat - Massachýsets tehnologııalyq ınstıtýtynyń hımıgi Devıd Ýıtloktyń aıtýynsha, kún saıyn dýshta jýyný paıdaly bakterııalardy shaıyp áketedi.
Azot totyǵynda qabynýǵa qarsy turatyn qasıeti bar jáne ol antıoksıdant bolyp tabylady. Ony denedegi bakterııalar týdyrady. Ýıtloktyń paıymynsha, ata-babalarymyz sırek jýynǵandyqtan, olardyń densaýlyǵy myqty bolǵan.
Ýıtloktyń dýshta jýynýdan bas tartqanyna shamamen 12 jyl boldy. Sabyndy paıdalanyp jýynýdyń ornyna ol terige tabıǵı balansyn qalypqa keltirýge kómektesetin bakterııalardy jaǵady. Tańdaǵan jolyn durys dep sanaıtyn ǵalym AOBiome kompanııasynyń negizin qalady. Ol «Balshyq ana» (Mother Dirt) preparatyn shyǵarǵan, dep jazady sheteldik BAQ.
