Ǵalym T. Darqanbaevtyń 100 jyldyǵyna arnalǵan kitaptar jaryq kórdi
ALMATY. Qazannyń 28-i. QazAqparat /Názıra Eleýhan/- Almatyda akademık, qazaqstandyq bıohımııanyń negizin salýshy, ǵalym-bıohımık Temirbaı Darqanbaevtyń 100 jyldyq mereıtoıyna arnalǵan eki tomdyq kitap jaryq kórdi. Birinshisi - «Tańdaýly shyǵarmalar», ekinshisi - «Estelikter» dep atalady.
Kitaptar «Qazaq ýnıversıteti» baspasynan árqaısysy 500 danamen basylyp shyqty.
Bilim jáne ǵylym mınıstri Baqytjan Jumaǵulovtyń redaktorlyǵymen basylyp shyqqan kitaptyń birinshi tomynda ǵalym, qoǵam qaıratkeriniń ár jyldary jazylǵan ǵylymı maqalalary engizilse, ekinshi kitap Temirbaı Darqanbaevtyń shákirtteri men áriptesteriniń estelikterinen quralǵan.
