Ǵalym Shaǵataı reseılik boksshyny jeńip, WBC tıtýlyna ıe boldy

NUR-SULTAN. QazAqparat – Qazaqstandyq kásipqoı boksshy Ǵalym Shaǵataı (5-0, 5KO) Reseı ókili Pele Sadoıandy (7-1-2, 3KO) jeńip, alǵashqy tıtýlyna qol jetkizdi. Bul týraly QazAqparat VKontakte áleýmettik jelisindegi «Qazaqstannyń kásipqoı boksy» paraqshasyna silteme jasap habarlaıdy.

Jekpe-jek Máskeýde uıymdastyrylǵan boks keshi aıasynda ótti. Sportshylar jartylaı orta salmaqta jastar arasyndaǵy WBC Asia tıtýlyn sarapqa saldy. 10 raýndqa eseptelgen aıqas besinshi raýndta toqtaldy – Shaǵataıdyń opponenti odan ári judyryqtasýdan bas tartty.

Bul, P.Sadoıannyń qarsylasynan alǵash ret utylýy. Al, Ǵ.Shaǵataı kásipqoı-rıngtegi qatarynan besinshi jeńisine jetti.

Aıta keteıik, qazaqstandyq boksshynyń profı-bokstaǵy debıýti 2019 jyldyń aqpanynda boldy. Al tamyz aıynda Máskeýde reseılik Aleksandr Saltykovty nokaýtqa jiberip, birinshi orta salmaqtaǵy ProBox nusqasy boıynsha TMD chempıony ataǵyn jeńip alǵan bolatyn.