Ǵalym Mámbetálıev hokkeıden Qazaqstan quramasynyń bas bapkeri boldy
ASTANA. QazAqparat – Ǵalym Mámbetálıev hokkeıden Qazaqstan quramasynyń bas bapkeri bolyp taǵaıyndaldy, dep habarlaıdy QazAqparat tilshisi.
«Barys» hokkeı klýbynan málim etkenindeı, Qazaqstan hokkeı federatsııasy atqarý komıtetiniń jınalysy bolyp, onda bapkerlik shtab bekitildi.
Alda bolatyn Koreıamen joldastyq kezdesýler, Reseı men Belarýstiń qatysýymen bolatyn týrnır jáne 2023 jylǵy álem chempıonatyn ulttyq qurama myna mamandardyń basshylyǵymen ótkizedi.
Bas bapker – Ǵalym Mámbetálıev.
Bapker – Aleksandr Vysotskıı.
Bapker – Erlan Saǵymbaev.
Qaqpashylar bapkeri – Aleksandr Shımın.
Bapker – Aleksandr Berezenskıı.
Bas menedjer – Gleb Karataev.
Aıta keteıik, Ǵalym Baýbekuly budan buryn 2017 jyly álem chempıonatynda (1A) Qazaqstan quramasyn jattyqtyrǵan edi. Sondaı-aq qysqy ýnıversıadada Qazaqstan stýdentter quramasymen birge qola júldege qol jetkizdi. Ǵ.Mámbetálıev – ótken maýsymnyń qorytyndysy boıynsha Pro Hokei Ligasy chempıony atanǵan astanalyq «Nomad» klýbynyń bas bapkeri.
