Ǵalym keńesi: Immýnıtetti kúsheıtý úshin qus, jylqy etiniń sorpasyn iship, jumyrtqa jeý kerek
«Koronavırýs ınfektsııasy — bizdiń elimizge de jetken indet. Infektsııa barlyq jerde júrip jatyr. Sondyqtan odan saq bolýymyz, ózimizdi saqtaýymyz kerek. Keıbir adam munyń qaýpin jete túsinbeı «mundaı aýrý joq, saıasat» dep júr. Bulaı aıtýǵa bolmaıdy. Óıtkeni, qazirdiń ózinde dúnıejúzinde 9 mln adam aýyryp, onyń 480 myńǵa jýyǵy qaıtys boldy. Elordamyzda da kúsheıip bardy. Sondyqtan halqyma aıtarym, ózderińizdi, gıgıenalyq rejımdi saqtańyzdar. Qoldy kir sabynmen jýyp, muryn ishin de osy sabynmen tazalańyzdar. Qol berip amandaspańyzdar. 1-1,5 metr áleýmettik araqashyqtyq saqtańyzdar. Sonda bul vırýs juqpaıdy», - dedi professor.
Sonymen qatar, ol ár adam koronavırýs ınfektsııasynan qorǵanýy úshin óziniń ımmýnıtetin kúsheıtýi qajettigin basa aıtty.
«Immýnıtetti kúsheıtý úshin durys tamaqtaný qajet. Aqýyzy kóp tamaq tutynǵan jón. Qus, jylqy eti sorpasyn iship, jumyrtqa jegen jaqsy. Óıtkeni, olar qan quramynda ımmýnoglobýlındi kóbeıtedi. Sondyqtan kúndelikti tutynatyn taǵamnyń 30-40 paıyzy qus pen mal eti, al qalǵan 60-70 paıyzy jemis-jıdek bolýy tıis», - dedi Erbolat Dálenov.
Medıtsına ǵylymynyń doktory sál tymaýratyp qalǵan kezde 1 lıtr qaınaǵan sýǵa 1 qasyq as sodasyn salyp, onyń býymen kúnine úsh ret tynys alý kerektigin aıtady. Sonymen qatar maska ishine spırt shashylǵan kishkene dáke salyp, ony 3 saǵat saıyn aýystyryp otyrýǵa keńes beredi.