Gallup 88 jyldan keıin alǵash ret AQSh prezıdenti reıtıngin jarııalaýyn toqtatady

ASTANA. KAZINFORM – Gallup osy salada 90 jylǵa jýyq jumys istegennen keıin bıyl AQSh prezıdenti qyzmetin maquldaý reıtıngin jarııalaýdy toqtatady, dep habarlaıdy The Hill. 

Málimdemede bul «Gallup kompanııasynyń qoǵamdyq zertteýler men ıntellektýaldyq kóshbasshylyqqa degen kózqarasynyń evolıýtsııasyn kórsetedi» delingen. Biz adamdar ómirine áser etetin máseleler men jaǵdaılar boıynsha uzaq merzimdi, ádistemelik turǵydan negizdelgen zertteýler júrgizýge tyrysyp kelemiz. Bul jumys Gallup Poll Social Series saýalnamalary toptamasynyń aıasynda jalǵasady».

The Hill basylymynyń Gallup kompanııasy sheshim qabyldamas buryn Aq úıden nemese qazirgi ákimshiliktegi kez kelgen adamnan pikir aldy ma degen suraǵyna kompanııa ókili: «Bul Gallup kompanııasynyń tek zertteý maqsattary men basymdyqtaryna negizdelgen strategııalyq qadam», - dep jaýap berdi.

Agenttik málimetinshe, prezıdent Tramptyń reıtıngi sońǵy aılarda tómendep kelgen: 2025 jyldyń aqpan aıynda ol 47% boldy, al 2025 jyldyń jeltoqsanynda júrgizilgen eń sońǵy saýalnamada 37%-dan az boldy.

Gallup kompanııasynyń prezıdenttik reıtıngi onjyldyqtar boıy prezıdenttiń qyzmetin maquldaý týraly qoǵamdyq pikirdi baǵalaý kezinde BAQ silteme jasaǵan eń bedeldi kórsetkishterdiń biri bolyp keldi.

Gallup kompanııasy jyldar óte kele qyzmetkerleriniń jumys protsesine qatysýy, qoǵamnyń jasandy ıntellekttiń taralýyna kózqarasy jáne basqa da máseleler sııaqty taqyryptar boıynsha beıtarap saýalnamalardy qamtý úshin qyzmet aýqymyn keńeıtti.

Osyǵan deıin Tramptyń ımmıgratsııa máselesi boıynsha reıtıngi tómendegenin jazdyq.