Galle jarysy: Aleksandr Býblık álemniń 1-raketkasyn jeńip ketti

ASTANA. KAZINFORM – Qazaqstannyń birinshi, álemniń 45-raketkasy Aleksandr Býblık Galle (Germanııa) ATP 500 týrnıriniń shırek fınalyna joldama aldy.

Qazaqstandyq tennısshi ekinshi aınalymda álemniń 1-raketkasy, ıtalııalyq ıAnnık Sınnerge tap keldi.

Qarsylastar osyǵan deıin bes ret kezdesip, sonyń tórteýinde Sınner basym túsken edi.

Degenmen eki jyl buryn olar Galle dodasynyń shırek fınalynda jolyǵysyp, esep 7:5, 2:0 bolyp, qazaqstandyq tennısshi jeńip jatqan mezette ıA.Sınner matchty jalǵastyrýdan bas tartqan bolatyn. Keıin Býblık Gallede chempıon atandy. 

Ótken jyly A.Býblık ekinshi aınalymnan asa almasa, ıtalııalyq sportshy jeńimpaz bolǵan edi. 
Bul joly birinshi partııada Sınnerge 1 breık jetkilikti boldy – 6:3.

Ekinshisinde Býblık dál sondaı eseppen ese qaıyrdy – 6:3. 

Úshinshi, sheshýshi sette esep 3:3 bolǵan mezette qazaqstandyq tennısshi breık jasap, keıin óz geımin aldy – 5:3. Sodan keıin matchqa dop bergende, múmkindigin jibergen joq – 6:4.

Eki saǵat 1 mınýtqa sozylǵan tartysty básekede Býblık 15 eıspen birge 6 breık-poınttyń ekeýin paıdalandy. Sınner 6 eıs, 1 breıkpen (9 breık-poınt) shekteldi. 

Osylaısha, álemniń kóshbasshy tennısshisimen oıynda kambek jasaǵan Aleksandr Býblık jartylaı fınalǵa shyǵý úshin álemniń 23-raketkasy, chehııalyq Tomash Mahachpen talasady. 

Eske sala keteıik, budan buryn Anna Danılınanyń Nottıngem týrnıriniń shırek fınalyna joldama alǵanyn jazǵan bolatynbyz.

Sondaı-aq Berlın týrnırinde Elena Rybakına shırek fınalda álemniń 1-raketkasymen kezdesedi.