Ǵalııa Tynbaeva - jastar arasyndaǵy Eýropa kýbogynyń jeńimpazy
NUR-SULTAN. QazAqparat - Lınıanoda (Italııa) ótken dzıýdodan jastar arasyndaǵy Eýropa kýbogynda qazaqstandyq arý Ǵalııa Tynbaeva chempıon atandy, dep habarlaıdy QazAqparat tilshisi.
QR Dzıýdo federatsııasynyń baspasóz qyzmeti málim etkendeı, atalmysh jarysta Qazaqstan jastar qurama komandasy 1 altyn, 1 kúmis, 1 qola medalmen jalpy komandalyq esepte jarysty 36 el ishinde 4-shi orynmen aıaqtady.
Jarystyń birinshi kúninde 48 kelige deıingi salmaqta fınalǵa qazaqstandyq qos dzıýdoshymyz shyqty. Ǵalııa Tynbaeva men Aqmaral Naýatbek arasyndaǵy tartysty báseke qosymsha ýaqytta Ǵalııa Tynbaevanyń enshisine sheshildi. Nátıjesinde, Ǵalııa Tynbaeva altynnan alqa taqsa, Aqmaral Naýatbek kúmisti mise tutty.
Sondaı-aq, 70 kelige deıingi salmaqta synǵa túsken otandasymyz Móldir Narynova el qorjynyn qola júldemen tolyqtyrdy. 52 kelige deıingi salmaqta kúresken Aqmaral Ernazar jartylaı fınalǵa deıin qarsylas shaq keltirmegenimen, sheshýshi sátte qarsylastaryna ese jiberip, jarysty 5-orynmen aıaqtady.
