Ǵalııa Tynbaeva qazaq qyzdary arasynda birinshi ret Grand Slam týrnıriniń jeńimpazy atandy

ASTANA. KAZINFORM – Dzıýdodan Qazaqstan komandasynyń múshesi Ǵalııa Tynbaeva Astanada ótip jatqan Grand Slam týrnırinde top jardy. Bul týraly Ulttyq olımpıadalyq komıtet jazdy.

Áıelder arasynda 48 keli salmaqta ótken fınaldyq beldesýde Ǵalııa reseılik Sabına Gılııazovany jeńdi. Qazaqstandyq sportshy aldymen vazzarı, keıin ıppon upaıyn alyp, kezdesýdi merziminen buryn aıaqtady.

Osylaısha, Ǵalııa Tynbaeva qazaq qyzdary arasynda tuńǵysh ret Grand Slam dodasynyń altynyn alyp otyr. Ol týrnırdiń fınalyna óz mansabynda alǵash ret shyqqanyn da aıta ketý kerek.