Galına Voskoboeva juptasyp óner kórsetýden « Brussels Open 2011» halyqaralyq týrnıriniń jeńimpazy atandy
ALMATY. 23 mamyr. QazAqparat /Erlik Erjanuly/ - Qazaqstandyq Galına Voskoboeva men cheh Andrea Hlavakova juptasyp óner kórsetýde 14 -21 mamyr kúnderi Belgııada ótken «Brussels Open 2011» týrnıriniń jeńimpazy atandy.
Júlde qory 618 myń AQSh dollaryn quraıtyn Halyqaralyq tennıs qaýymdastyǵynyń (WTA) áıelder arasyndaǵy «Premer» dárejesindegi bul baıraqty básekesinde negizgi kestesinde jekeleı synda 32, juptyq saıysta 16 jup óner kórsetti. Galına men Andrea aqtyq synda polıak Klaýdıa ıAns pen Alısııa Rosolskaıany 3:6, 6:0, 10:5 esebimen utty. Olar jarys qorytyndysynda óz qaltalaryn 32 myń dollarǵa toltyryp, WTA reıtıngindegi óz upaılaryn 470-ke ulǵaıtty. Bul qazaqstandyq tennısshiniń juptasyp óner kórsetýde bıylǵy jyly qol jetkizgen 3-shi iri jeńisi bolyp otyr. Galına bul jarysta sondaı-aq, jekeleı saıysta negizgi synnyń ekinshi aınalymyna deıin jetip 8500 dollar men WTA reıtinginde 60 upaıǵa ıe boldy.
