Galına Voskoboeva «Shenzhen Open» týrnıriniń juptyq básekesinde shırek fınalǵa ótti
ASTANA. QazAqparat - Qazaqstandyq Galına Voskoboeva qytaılyq Sınıýn Hanmen juptasyp osy aptada Qytaıdyń Shenchjen qalasynda ótip jatqan «Shenzhen Open» týrnıriniń shırek fınalyna shyqty, dep habarlaıdy Qazaqstan tennıs federatsııasynyń saıty. Týrnırdiń syıaqy qory 627 000 AQSh dollary shamasynda.
Qazaqstandyq-qytaılyq jup birinshi aınalymda taılyq-qytaılyq dýet Varatchaıa Vongteanchaı men Sıaodı ıÝdy 6:7(4), 6:0, 10:4 esebimen utty. Shırek fınalda Voskoboeva men Han amerıkalyq-qytaılyq jup Rakel Atavo men I-Fan Sıýmen baq synaıdy.
Ókinishke qaraı, Galına jekeleı synda ótken alǵashqy matchta bolgarlyq tennısshi Tsvetana Pıronkovaǵa 4:6, 7:5, 3:6 esebimen utyldy.
