Ǵalymjan Jýsanbaev Atyraý munaı zaýytynyń bas dırektory boldy

Atyraý munaı óńdeý zaýytyna jańa bas dırektor taǵaıyndaldy. Endi bul laýazymdy Ǵalymjan Jýsanbaev atqaratyn boldy, dep habarlaıdy Kazinform.

Ǵalymjan Jýsanbaev 2005 jyldan beri munaı-gaz ónerkásibi salasynda jumys isteıdi. Osy saladaǵy birneshe kompanııaǵa basshylyq etken. Ár jyldary «SAT Operating Aktau» JShS-niń zaýytynda bas dırektor, «Shymkent Munaı Ónimder» AQ-da, «Petro Export» JShS-da bas dırektor laýazymyn atqarǵan.

Osy kezge deıin Atyraý munaı óńdeý zaýytyn Murat Dosmuratov atqaryp keldi. Ol bul laýazymǵa 2022 jylǵy shildede taǵaıyndalǵan. Onyń zaýyttyń bas dırektory retindegi ókilettigi berilgen ótinishine sáıkes merziminen buryn toqtatyldy.

Eske sala ketelik, budan buryn Atyraý munaı óńdeý zaýytynyń bıýdjetke tóleıtin salyǵy byltyrǵydan 1,5 esege artqanyn jazǵan edik.

Sondaı-aq Atyraý MÓZ-diń bir aqtalyp, bir qamalǵan eks-bas dırektoryna túpkilikti úkim shyqqanyn habarlaǵan bolatynbyz.