Ǵalymjan Jumashev Túrkistan oblysy Bilim basqarmasynyń basshysy boldy
Túrkistan oblysy bilim basqarmasynyń basshysy bolyp Ǵalymjan Jumashev taǵaıyndaldy, dep habarlaıdy Kazinform.
Túrkistan oblysy ákiminiń orynbasary Beısen Tájibaev basqarma ujymyna jańa basshysyny tanystyrdy. Aýdan, qalalyq bilim bólimderiniń jetekshileriniń qatysýymen jınalys ótkizip, birqatar tapsyrma júktedi. Memleket basshysynyń bilim sapasyn kóterý jónindegi tapsyrmalaryn oryndaýdy, óńirdegi bilim salasyndaǵy birqatar ózekti máselelerdi sheshýdi mindettedi. Tyń ıdeıalar kútetinin aıtyp, jumysyna sáttilik tiledi.
Ǵalymjan Jýmashev 1984 jyly Túrkistan qalasynda dúnıege kelgen. Bilimi joǵary. 2015 jyly Reseı Federatsııasynyń Máskeý qalasyndaǵy Zamanýı gýmanıtarlyq akademııasynyń «zańger» mamandyǵyn bitirdi. M.Dýlatı atyndaǵy Taraz memlekettik ýnıversıtetine bilim alǵan, quqyqtaný magıstri.
2021 jyly ıAnka Kýpala atyndaǵy Grodnen memlekettik ýnıversıtetiniń (Belarýs Respýblıkasy) «quqyqtaný» mamandyǵy boıynsha aspırant atandy.
Eńbek jolyn 2004 jyly Almaty qalasyndaǵy «Alan» JShS-niń zańger-keńesshisi bolyp bastady. 2006 jyly QR Joǵarǵy Soty janyndaǵy Sot ákimshiligi komıtetiniń sot oryndaýshysy boldy. 2007-2012 jyldar aralyǵynda QR Bilim jáne ǵylym mınıstrliginde jetekshi maman, sarapshy, bas sarapshy bolyp eńbek etti.
2012- 2016 jyldar aralyǵynda QR Bilim jáne ǵylym mınıstrligi Zań qyzmeti jáne halyqaralyq yntymaqtastyq departamentiniń halyqaralyq sharttar jáne zańnama basqarmasynyń basshysy, Zań qyzmeti jáne halyqaralyq yntymaqtastyq departamenti dırektorynyń orynbasary laýazymyn abyroımen atqardy.
2016 jyldan bastap QR Bilim jáne ǵylym mınıstrligi Bilim jáne ǵylym salasyndaǵy sapany qamtamasyz etý komıteti tóraǵasynyń orynbasary bolyp qyzmet etti.
2023 jyldan búginge deıin QR Prezıdenti Ákimshiligi Іs basqarmasynyń «Qazaqstan Respýblıkasy Prezıdentiniń ortalyǵy» Ákimshilik-kadrlyq, qujattamalyq jáne quqyqtyq jumys qyzmetiniń jetekshi sarapshysy qyzmetin atqaryp keldi.